سعودی عرب میں ایک شخص نے اپنی بیٹی کا نام ایوانکا رکھ دیا

امریکی صدر ڈونلڈ ٹرمپ کی بیٹی ایوانکا کی مقبولیت دن بدن بڑھتی جا رہی ہے اور اس کا اندازہ اس بات سے لگایا جا سکتا ہے کہ سعودی عرب میں ایک شخص نے اپنی بیٹی کا نام ایوانکا رکھ دیا ہے۔ سعودی عرب کے شہر عرار کے رہائشی سلیم عامر سلیم نامی شخص ایوانکا کا مداح ہے اور جب اس کے ہاں بیٹی کی ولادت ہوئی تو اس نے اپنی بیٹی کا نام ایوانکا رکھ دیا۔ سعودی بچی ایوانکا کا برتھ



سرٹیفکیٹ سوشل میڈیا پر چھایا ہوا ہے۔

میڈیا سے گفتگو میں لڑکی کے باپ سلیم عامر سلیم کا کہنا تھا کہ ان کے دوستوں نے کہا کہ وہ انہیں بچی نام ایوانکا رکھنے کی اجازت نہیں دیں گے لیکن میرا موقف تھا کہ ایوانکا نام کا مذہب اور سعودی کلچر سے کوئی تعلق نہیں ہے، ایوانکا نام کا تعلق دور قدیم سے ہے جس کے معانی ہیں اللہ بہت عظیم ہے۔ ان کا کہنا تھا کہ اپنی بیٹی کا نام ایوانکا رکھ کر بہت خوش ہوں۔